خلي عندك امل , عيش , متقولش مليش لازمة , قول أنا حغير , احلم واحمد ربك

 

فى حجات كتير اوى ممكن تعملها ترجع بيها طعم للحياة ...

 

ابسط حاجة

 

 اشترى شكولاتة غالية ومستوردة وكلها ....

 

أوبص 

 

على بنت حلوة واعرف انها لو عرفتك كويس هتحبك ....

 

 العب لعبة مش لعبتها من ايام وانت صغير ..

 

 اعرق

 انهج 

 

حس انك عايش ....

 

اطفى نور اوطتك وشغل التكيف..

 

 واسمع اكتر مزيكا بتحبها واسرح معها

 

 بص لاهلك وعرفهم قد اية بتحبهم ....

 

 بص للى تحتك واعرف قيمية كل حاجة معاك ..

 

 وبص للى اعلا منك ..

 

 واعرف ان رغبتك انك تبقى زيهم هى الى مدية طعم للحياة ..

 

 استمتع

 

بشمس الصيف وقولها انك مش كرها حتى لو عرقتك ولزقتك ...

 

روح اقعد على البحر وادفن رجليك فى الرمل وخرجها ... وابدء حس ّ

 

 فى الشتا!!

 

 انزل تحت البطانية وحط كباية الشكولاتة بلبن السخنة جمبك ..

 

 ابتسم

 

 وغمص عنيك 

 

ونام ...

 

 اشتغل لحد متحس انك ميت ..

 

 نام تانى واشحن وروح موت نفسك فى الشغل تانى ..

 

 واعرف انك زوت حاجة للدنيا محدش كان هيزودها غيرك ..

 

واعرف انك كائن مهم ..

 

 وفى كل لحظة بتغير اتجاة تاريخك..

 

بص لشحات واقف جمبك متدلوش ولا نكلة

 

 بس سلم علية وابتسملة

 

وقولة عامل اية ..

 

 سلم على واحد صحبك وخدة بلحضن هتحسسة بحجات كتير اوى ..

 

 بص لبنت مغرورة واضخك من جواك .. 

 

وبص لبنت وحشة وابتسملها وعكسها بنظرتك

 

واعرف انها هترجع البيت النهاردة مبسوطة .. 

 

بدون سبب ابعت رسلة لحد بتحبة قولة حاجة حلوة ...

 

 واتأكد انك لو عارف انك هتموت بكرة هتعمل برضة نفس الى انت بتعملة دلوقتى ..

 

 حب جامد اوى لو حتى عارف ان حبك مش هيستمر لحد بليل ...

 

 كل اكلة حلوة اوى بس متخلهاش تشبعك ..

 

اشرب مشروب دخلت المطبخ واخترعتة ..

 

ولو معجبكش ارمية فى الحوض وانزل اشرب اى حاجة تانية بتحبها ..

 

 اكسب نفسك وحب حد بيكرهك . واكسب نفسك تانى

 

 وانسى حد كنت بتحبة بس من غير متكرهة ..

 

 اتفرج على مطش كورة لفرقتين متعرفهومش ...

 

 وشجع واحد فيهم اوى اوى حتى لو بيلعب زى الزمالك ..

 

 انزل شجع مع الاهلوية لما يكسبو حتى لو انت مش اهلاوى ..

 

 اقراء الكلام دا من غير متعلق علية .

 

 ولو مش عجبك بطل تقراء ...

 

 لكن لما تقابل واحد مش بتسلم علية دايما ومش فاكر اسمة خدة بلحضن وقول

 

ازيك يا معلم .. 

 

اقراء كتاب معقد منتاش فاهم اى حاجة فية .

 

 وبعدها انزل مع اصحابك هتنبسط اوى ..

 

 جرب اكلة جديدة فى مطعم فخم تمنها هيخرب بيتك :D

 

 بس روح وانت مبسوط ..

 

 البس احلا لبس عندك وانزل امشى فى الشارع ..

 

 ارقص حتى لو فى اوطتك وقافل الباب

 

 ممكن تغنى كمان وانت ماسك الفرشة على انها ميكروفون ..

 

 افتكر قبل متنام كل الكلام الحلو الى الناس بتقولة عنك ..

 

 كل لما تلاقى حد

 

بيحكى عن مشكلة دور على الجانب المشرق فيها مهما كانت عويصة وابتسملة ..

 

 كل اما حد يقولك عامل اية قولة الحمد لله تمام اوى ومبسوط جداااا

 

قولها بسرعة من غير متفكر وابتسم ..

 

 لوحدك هتحس انك مبسوط فعلا..

 

 شوف اسوء مشكلة فى حياتك .

 

 فكر فى اسوء حاجة ممكن تحصل بسببها وهتلقيها مش هتموتك وهتفضل برضو فى 

 

الاخر فوق الارض مش تحتها ..

 

وانى الدنيا هتمشى واحمد ربنا ..

 

 سافر حتة مرحتهاش قبل كدة صورها صور نفسك فيها .

 

 صلى فيها .

 

او

 

 بوس ارضها

 

 او

 

 خد منها تزكار

 

 استحما فى نص ساعة وخلى المية تنزل على وشك واسمع صوتها كويس.

 

جيب هدية لحد بتحبة من غير مناسبة

 

 وادهالو من غير اهتمام ..

 

 اكنك معملتش حاجة غريبة ..

 

 متغضبش مهما حصل .

 

 اشكر كل الناس بسبب ومن غير سبب ..

 

 لو حد اتريق عليك .

 

 اضحك .

 

حتى لو من جواك بتضحك علية ..

 

 لو حد شتمك حط دا فى تنك البنزين بتاعك علشان يبقى طاقة تحركك للامام

 

..

 

لو الناس بعدت عنك اعرف انك مش زيهم .

 

 ولا هما وحشين ولا انت وحش .. انتم بس مش زى بعض .

 

 اتبسط انك مش بضيع وقتك معاهم

 

لو لقيت نفسك لوحدك شوية دا معناة انك فريد ونادر من نوعك

 

 ومين فى الدنيا يقول ان نوعك غلط فى الدنيا بس ؟؟

 

انت تقدر تتاكد ان دا النوع المناسب ليك ..

 

 واتبسط بية ..

 

 ولو نفسك تغيرة ..

 

 غيرة ..

 

 مفيش حاجة بتلزق ..

 

 بص لمبارح كويس

 

وشوف اتعلمت منة قد اية ..

 

 خطط لبكرة ..

 

 بس اوعا تخاف منة ..

 

 ازى تخاف من حجات انت الى بتبنيها اصلا ..

 

 حاجة لسة محصلتش ..

 

 ومحدش فى الدنيا كلها يعرف اية الى هيحصل فيها ..

 

 غير ربنا وحدة ....

 

 استمتع بلنهاردة كويس ..

 

 لان كل النهاردة

 

هيبقى امبارح بتاع بكرة ..

 

 زى مكان بكرة بتاع امبارح ..

 

 افتكر ايام مكنت بتصحى بدرى علشان تروح المدرسة .

 

 ولما كنت بتزاكر

 

فزياء ولا تاريخ واهلك منعينك من الخروج والسهر برة ..

 

 واتبسط ان دا كلة خلص ومش راجع تانى اتبسط ولو مش عاوز تتبسط .

 

. مش هتعرف تعكنن عليا علشان انا مبسوط