العرايس اللي محتاسة هتعمل ايه ف شعرها ف اول الجواز تعالي اما اقولك
ازيكم يا قمرات
هاو ار يوز
العرايس المبوزات اللي زي حالاتي ومش عارفين هيعملو ايه اول الجواز
عشان الغسيل الكتير واللي شعرها ما بيحبش المية
هههههههههههههه
لا ما تخافيش بس ركزي معايا
اول حاجة حددي نوع شعرك يعني نوعه مموج ولا ناعم ولا مجعد
حددتي
طيب بالنسبة للشعر الناعم اللي بينفش دة
والشعر الناعم المموج
هتغسلي شعرك بحمام الكريم مش الشامبو
خلي الشامبو مرة ف الأسبوع
وهتلفيه بالفوطة ييجي 10 دقايق
تمام دلوقتي هو بئا مندي
هتجيبي المشط الخشب وتقسمي شعرك نصين
وتسرحي من تحت يعني تبدأي بالأطراف واطلعي لحد ما تسلكي
شعرك كله وهكذا الناحية التانية من غير اي دهان
وتقعدي تسرحي فيه شوية عشان تجري الدورة الدموية و ف نفس الوقت شعرك ينشف تمام
بعدين تقسمي كل نص اتنين وتدهني سيروم وتمسكي كل ربع بكليبسة
وتجيبي السيشوار وتشغليه على الدافي مش البارد ولا السخن
وربع ربع تمكيه وبالسشوار وتبعديه عن الشعر مش تكويه يعني
والربع اللي تخلصيه تلفيه كحكة وببنسة وهكذا لحد ما تخلصي كله
تروحي جايبة الربعين اللي قدام وفاكاهم وتدهنيهم زيت او سيروم ع الشعر
مش الجدور ويا سلام لو زيت ياسمين ولا ورد وعاملاهم كحكة لقدام
واللي ورا تدهنيهم وتعمليهم كحكة مش لقدام
وتلفي شعرك ربع ساعة بطرحة قطن تقيلة وممكن تستغني عن الخطوة
دي لو شعرك مش محتاج
خدي بالك احنا بنشف الشعر مش بنسشوره
اللي شعرها مجعد ما تحاوليش تفرديه يا حبيبتي او تسرحيه بالفرشة لان شكله هيبقى كدة
انتي هتعملي ايه بأة
هتغسلي شعرك بالبلسم او حمام الكريم
وهتستخدمي مشط سنانه واسعة وممنوع تستخدمي الفرشة بتاتا
وتسلكي برضو من تحت لفوق وبعدين تحطي كريم تصفيف حلو
وتعمليه يا اما ضفيرتين بس تشديهم مش ترخيهم
او كحكتين قطتين يعني
وتسيبي شعرك لحد ما ينشف تفكيه بس ما تسرحيهوش سيبيه
بتمويجته وممكن ترشي عليه سبراي مثبت
وقبل ما تسألوا منين في اوريفلام واحد بحاجة وخمسين وهيبقى شعرك زي الفل
طب عامة يا بناويت اللي عاوزة تعمل شعرها كيرلي ممكن طريقة تانية
انك بعد ما تسرحيه ويبقى مندي او ممكن بالسيشوار تنشفيه شوية
تروحي عاملة ضفيرة وتمشي عليها بالمكوة لحد ما تنشف كويس
وتفكيها هتلاقيها كيرلي وتحفة
طب احنا دلوقتي لسة ف ال safeside زي ما بيقولو تعملي ايه
حاجة طبيعية وسهلة ونتايجها تحفة
زيت الزيتون يا بنات
رووووعة دي قليلة عليه دة سحر والله
بس الأصلي اللي تجيبوه من مكان موثوق بتاع الاكل مش الشعر
آخر حاجة بئا أنا رغيت كتير
موضوع اللف والسيشوار والحركات مش هياخدو منك ساعة الا ربع بالكتييير
وما تسألوش اشمعنا ساعة الا ربع
يعني لو اتلحلحتي على رأي ماما وصحيتي قبل البرنس بساعة
خدتي الدش وعملتي الحركات دي هيصحى يلاقي برينسس معاه مش زبيدة الشغالة
ليست هناك تعليقات :
إرسال تعليق